Ang mga dayuhang mangingisda sa Yilan ay kumakanta para ipagdiwang ang Lunar New Year
Post Update by i-edit on 2024-08-07 17:00:44
Ulat ng Mamamahayag na si CHANG, Cheng-Liang/ Yilan
Ang Lunar New Year ay isang mahalagang pagdiriwang para sa mga Taiwanese, at sinasamantala rin ng mga dayuhang mangingisda na nananatili sa Taiwan na magtrabaho nang husto para sa ating mga palaisdaan at para na rin sa bakasyon. Para pasalamatan ang mga dayuhang mangingisda para sa kanilang mga kontribusyon, ang Samahan ng mga Tripulante ng Bangka sa Pangingisda sa San-Jiao-Hu (Seine) (San-Jiao-Hu (Seine) Fishing Boat Crew Association) sa Nanfang'ao ay nagsagawa ng Spring Festival Concert para sa mga Dayuhang Mangingisda noong ika-18. Bilang karagdagan sa magagandang pagtatanghal ng mga mangingisda, ang Samahan ng mga Mangingisda ng Su-Ao (Su-Ao Fishermen's Association) ay nagbigay ng masaganang papremyo sa raffle, na ginawang masigla at mataong ang kaganapan.
Ang maluningning na Foreign Fishermen Concert ay espesyal na ginanap sa No.3 Auction Market para sa Samahan ng mga Mangingisda sa Distrito ng Su-Ao (Su-Ao District Fishermen's Association). Ang turmeric na kanin ay ipinamahagi sa kaganapan, na nagpapahintulot sa mga migranteng manggagawa ng Indonesia na bumiyahe ng malayo sa Taiwan na tamasahin ang lasa tulad ng sa tahanan. Umakyat ang mga mangingisda sa entablado para itanghal ang kanilang mga paboritong kanta, na ang ilan ay kumanta nang mag-isa at ang iba ay tumutugtog ng mga instrumento habang sila ay kumakanta, na nagpapakita ng mga talento na katumbas ng mga propesyonal na mang-aawit. Ang highlight ng pagdiriwang ay ang raffle.
Si TSAI, Yuan-Lung, ang Tagapangulo ng Lupon ng mga Direktor ng sa Samahan ng mga Mangingisda sa Distrito ng Su-Ao, isa sa mga sponsor ng pagdiriwang, ay nagsabi na ang masiglang konsiyerto na ito ay isang kusang aktibidad para sa paglilibang na pinasimulan ng mga mangingisdang Indonesian. Maraming propesyonal na mang-aawit na Indonesian mula sa Taipei ang inimbitahan din na sumali sa pagdiriwang. Ang Lunar New Year ay kasabay ng pangingisda sa labas ng panahon para sa mga bangkang gamit sa pangingisda ng San-Jiao-Hu. Pinili ng Samahan ang pagkakataong ito na lumahok at itaguyod ang pagdiriwang bilang pangunahing pasasalamat sa mga mangingisda sa paglalakbay sa karagatan para suportahan ang palaisdaan ng Taiwan. Sa pagbibigay ng mga papremyo sa raffle, layunin ng Samahan na pasayahin ang mga mangingisda at ipakita ang kanilang pagpapahalaga sa mga kontribusyon ng mga dayuhang mangingisda.
Ang Foreign Fishermen Concert ay umakit ng higit sa 300 mangingisda, na nasiyahan sa musika at nakikisalamuha nang sama-sama. Humigit-kumulang 150 dayuhang manggagawa ang naroroon sa pagdiriwang. Matapos ang kadiliman ng pandemya noong nakaraang taon, sa taon na ito ay pinalawak ang pagdiriwang, na nagpapahintulot sa mas maraming kaibigang migranteng manggagawa na malaman na tuwing Lunar New Year sa Nanfang'ao, ang mga naturang aktibidad ay ginaganap para maranasan ng mga mangingisda ang mainit na mabuting pakikitungo sa pagdiriwang ng Lunar New Year ng Taiwan.
 |
|
- Naka-tag ang artikulong ito:
